Llamando a Conceyu

Llamando a conceyu (Grupu de baille San Felix de Candás) quier dar un pasu alantre na renovación de la conxunción música y baille tradicional, creando un nuevu conceptu de pasucáis que, acompañáu de la pallabra, avéralu al teatru de cai. La música y el baille representen les pallabres pronunciaes por una persona, los sos suaños, les sos alcordances.

Ye música de dellos estilos sofitada na música tradicional, y baille entá más averáu a la tradición, pero intentando amosar muncho más.

Ye una pallabra que fala de los conceyos abiertos, que tuvieron un papel cimeru na organización social de los pueblos, y qu’entá se caltién en dellos llugares d’asturies. ye una pallabra actual y flexible, que cambia d’un llugar de representación a otru, averándose a la historia, la cultura y la realidá d’esi llugar, de Xixón nesta ocasión.

Idea Orixinal: Xurde Fernández

Música: Javier Tejedor

Actuación: Raquel Prendes